ئه‌مشه‌و له‌ ناوچه‌ى كۆباشى له‌ سنوورى جه‌له‌ولا شه‌ڕوپێكدادان له‌ نێوان هێزه‌كانى پێشمه‌رگه‌ و تیرۆریستانى داعش ڕوویدا .

له‌وباره‌وه‌ په‌یامنێرى كوردستان تیڤى له‌ ناوچه‌كه‌ له‌ زارى به‌رپرسێكى سه‌ربازیى گواسته‌وه‌ كه‌ نزیكه‌ى كاتژمێر هه‌شتى ئه‌مشه‌و تیرۆریستانى داعش له‌ ناوچه‌ى كۆباشى به‌ گوله‌ هاوه‌ن بۆردومانى هێزه‌كانى پێشمه‌رگه‌یان كرد و هێزه‌كانى پێشمه‌رگه‌ش به‌ توندى وه‌ڵامیان دانه‌وه‌ و بۆردومانیان كردن و هه‌روه‌ها شه‌ڕوپێكدادانیش ڕوویدا و بۆ ماوه‌ى نیو كاتژمێر به‌رده‌وام بوو، كه‌ دواتر هێزه‌كانى پێشمه‌رگه‌ تیرۆریستانى داعشى تێكشكاند .