وەزارەتی پەروەردەی حكوومەتی هەرێمی كوردستان رایدەگەیەنێت، میكانیزمی دامەراندنی شەش هەزار مامۆستا دانراوە و دامەزراندنەكەیش لە رێگەی بەڕێوەبەری قوتابخانەكانەوە دەبێت.

گوتەبێژی وەزارەتی پەروەردەی حكوومەتی هەرێمی كوردستان (فاتیح مەولەوی زادە)، بە Kdp.info-ی راگەیاند، "ئەنجوومەنی وەزیران رەزامەندیی بۆ دامەزراندنی شەش هەزار مامۆستا بە شێوەی گرێبەست پێشان داوە و ئێمەیش گەییشتووینەتە ئەو بڕوایەی كە میكانیزمی دامەزراندن لە رێگەی بەڕێوەبەری قوتابخانەكانەوە بێت، نەك لە رێگەی وەزارەت و بەڕێوەبەرایەتییەكانەوە".
(مەولەوی زادە) رەتیشی كردەوە كە دامەزراندنەكە لەم هەفتەیەدا دەست پێ بكات و گوتی، لەبەر قەیرانی دارایی هەرێم تاوەكو ئێستا كاتەكەی دیاری نەكراوە.
ئەوەیشی خستە ڕوو كە، ژمارەیەكی كەمی قوتابخانەكان ئاوارەیان تێدا ماون و تا مانگ و نیوێكی دیكە هیچ ئاوارەیەك لە قوتابخانەكاندا نامێنێت، ئەو كاتەی كە لە دەستیش چووە، لە كۆتایی ساڵی خوێندن بۆیان قەرەبوو دەكرێتەوە.