بەرپرسێکی پارتی لە شاری مووسڵ ئاماژەی بە زیانەکانی چەکدارانی داعش لە سنوری ناحیەی رەبیعەکرد وو رایگەیاند، رەبیعە بەتەواوی کۆنتڕۆڵکراوە و داعش پاشە کشەی کردووە.



سەعید مەمووزینی، کارگێڕی لقی ١٤ی پارتی دیموکراتی کوردستان بە ئاژانسی ھەواڵی پەیامنێری راگەیاند: ناحیەی رەبیعەی سنوری و زیاتر لە دە گوندی ناوچەکە بەتەواوی لە چەکدارانی داعش پاککراوەتەوە و پێشمەرگە گورزێکی کوشندەی لە تیرۆرستانی داعشداوە لە رەبیعە، بەپێی دواین زانیاری زیاتر لە ٢٠ تەرمی چەکدارانی داعش کەوتوونەتە دەست پێشمەرگە و سێ تانکیش تێکشکێندراون.

مەمووزینی گوتیشی: کۆنتڕۆڵکردنی ناحیەی رەبیعە لەلایەن ھێزەکانی پێشمەرگەوە، ناوچەیەکی سنوری ستراتیژی دەکەوێتە دەستی پێشمەرگە و داعش ئەو توانایەی پێشووی نەماوە شەڕی پێشمەرگە بکات.