دوای ئەوەی بەرەبەیانی ئەمڕۆ هێزەکانی پیشمەرگە دوو گووندی قەزای داقوقیان گرتەوە دەست، بۆمبێکی چێنراو بە هێزەکانی پێشمەرگە دا تەقییەوە و پێشمەرگەیەک شەهید بوو و سێ پێشمەرگەی دیکەش بریندار بوون.

بە پێی ئەو زانیارییانەی بە پەیامنێر گەیشتوون، دوای ئەوەی هێزەکانی پیشمەرگە دوو گوندی سەعد و خالیدییەیان کۆنتڕۆڵکرد، پیشمەرگەیەک هەوڵی هێنانە خوارەوەی ئاڵای داعش لە مۆڵگەیەکی چەکدارەکانی داعش دەدات و لەوکاتە دا بۆمبێکی چێنراو دەتەقیتەوە و پێشمەرگەیەک شەهید دەبێت و سێ پیشمەرگەی دیکەش بریندار دەبن.

لەو تەقینەوە دا پەیامنێرێکی تۆڕی میدیایی ڕوداویش بریندار دەبێت.