پڕۆفیسۆر پیتەر ئەی هال لە زانكۆی هارڤارد بۆ گوڵان: دوای ئەوەی ئەلێكس سالمۆند، كە سەركردەیەكی سەرسەختی پارتی نەتەوەیی سكۆتلەندایە، لە یەكەم گفتوگۆیدا ئەدایەكی خراپی پیشاندا لە بەرامبەر نوێنەری گرووپی باشترە پێكەوە بین «BETTER TOGETHER GROUP»، كە مشت و مڕی ئەوە دەكات سەربەخۆیی بە زیان دەشكێتەوە، ئەوا ئێستا لە سەر ئاستێكی بەربڵاو وا سەیری دەكرێت كە لە دووەم گفتوگۆدا- كە هەفتەی رابردوو ئەنجام درا- سەركەوتوو بوو. كێشەی سەرەكی لێرەدا بریتییە لە هەرەسهێنانی پارتی موحافیزەكاری بەریتانی لە سكۆتلەندا، كە ئەمەش دەگەڕێتەوە بۆ سەردەمی حكومەتەكەی مارگریت تاتشەر. لە دەرئەنجامدا، لە تێڕوانینی سكۆتلەندییەكاندا حكومەتی ئێستای بەریتانی پتر بەرگی ئینگلیزی بە بەردا كراوە، واتە زیاتر حكومەتێكی راستڕەوە بە لای دەنگدەرانی سكۆتلەنداوە، بەو پێیە پتر وەك حكومەتێكی دەرەكی دەردەكەوێت. هەر بۆیە سەربەخۆبوونی سكۆتلەندا دەبێتە گورزێكی راستەقینە و لە پێگەی نێودەوڵەتی بەریتانیا دەدرێت.

هەروەها پیتەر گوتی: ئیسپانییەكان خۆشحاڵ نین لە بارەی بیرۆكەی وەرگرتنی سكۆتلەندا وەك ئەندام لە یەكێتی ئەوروپادا، لەبەر ئەوەی ئەمە دەبێتە هۆی هاندانی جوداخوازە كەتەلۆنییەكانی وڵاتەكەی خۆیان. من گومانم هەیە لەوەی لە كۆتاییدا رازی بن، بەڵام هەندێ كاتی دەوێت، تاوەكو سكۆتلەندا گفتوگۆ لەبارەی وەرگرتنیەوە بكات- وەك ئەندام لە یەكێتی ئەوروپا-، هەروەها روون نییە كە ئایا ناچار دەكرێن دراوی یۆرۆ بەكار بهێنن؟ بە رەوچاكردنی كێشە ئابوورییەكانی ناوچەی یۆرۆ لە ئێستادا، ئەوا بە دڵنیاییەوە ئەمە بۆ سكۆتلەندییەكان بژاردەیەكی سەرنجڕاكێش نییە.

شايانی باسە پیتەر ئەی هال گوتی: ئەگەری ئەوە لە ئارادا نییە كە جیابوونەوەی سكۆتلەندا سەر بكێشێت بۆ هەرەسهێنانی شانشینی یەكگرتوو. پشتیوانی بۆ جیابوونەوەی وێڵز زۆر سنووردارە و چارەنووسی ئێرلەنداش لەسەر رێككەوتنی (GOOD FRIDAY AGREEMENT) راوەستاوە كە بەپێی ئەو رێككەوتنە سەربەخۆبوونیان-ئیرلەندییەكان- بەندە بە بەدەستهێنانی زۆرینەی دەنگەكانەوە كە ئەگەری ئەوە لە ئارادا نییە لە داهاتووی نزیكدا بێتەئاراوە. من دەتوانم وێنای ئەوە بكەم كە بەریتانیا بە ئاسوودەییەكی تەوا لەگەڵ سەربەخۆبوونی سكۆتلەندا هەڵدەكات.
لە درێژەی دیدارەكەیدا ئەی هال هەروەها گوتی: ئیسپانییەكان خۆشحاڵ نین لە بارەی بیرۆكەی وەرگرتنی سكۆتلەندا وەك ئەندام لە یەكێتی ئەوروپادا، لەبەر ئەوەی ئەمە دەبێتە هۆی هاندانی جوداخوازە كەتەلۆنییەكانی وڵاتەكەی خۆیان. من گومانم هەیە لەوەی لە كۆتاییدا رازی بن، بەڵام هەندێ كاتی دەوێت، تاوەكو سكۆتلەندا گفتوگۆ لەبارەی وەرگرتنیەوە بكات- وەك ئەندام لە یەكێتی ئەوروپا-، هەروەها روون نییە كە ئایا ناچار دەكرێن دراوی یۆرۆ بەكار بهێنن؟ بە رەوچاكردنی كێشە ئابوورییەكانی ناوچەی یۆرۆ لە ئێستادا، ئەوا بە دڵنیاییەوە ئەمە بۆ سكۆتلەندییەكان بژاردەیەكی سەرنجڕاكێش نییە.

درێژەی ئەم بابەتە لە گۆڤاری گوڵان ژمارە (993)