پۆلیسی هه‌ولێر رایده‌گه‌یه‌نێت، له‌ كۆمه‌ڵگه‌یه‌كی‌ شاری‌ هه‌ولێر باوه‌ژنێك منداڵێك ده‌كوژێت و یه‌كێكی‌ تریش بریندار ده‌كات، ده‌قی دانپیانه‌كه‌شی بڵاو ده‌كرێته‌وه‌.

رائید كاروان عه‌بدولكه‌ریم به‌ڕێوه‌به‌ری‌ راگه‌یاندنی‌ پۆلیسی‌ هه‌ولێر رايگه‌یاند: "له‌لایه‌ن هێزه‌كانی‌ به‌ڕێوه‌به‌رایه‌تی‌ پۆلیسی‌ شاری‌ هه‌ولێره‌وه‌ ژنێك ده‌ستگیركراوه‌، كه‌ هه‌ستاوه‌ به‌ كوشتنی منداڵێك و برینداركردنی یه‌كێكی تر".

رائید كاروان وتی‌: "له‌ كۆمه‌ڵگای‌ شاوه‌س ئه‌و ژنه‌ كوڕێكی‌ هاوسه‌ره‌كه‌ی‌ به‌ناوی‌ (م.) كه‌ ته‌مه‌نی‌ چوار ساڵه‌ به‌لێدان كوشتووه‌".

وتیشی‌: "هاوكات كچێكی‌ هاوسه‌ره‌كه‌شی‌ كه‌ ناوی‌ (ر.) و ته‌مه‌نی‌ دوو ساڵه‌ به‌ لێدان بریندار كردووه‌".