سەرچاوەیەكی هێزی پێشمەرگەی كوردستان رایگەیاند، كە لە بۆردوومانی فڕۆكە جەنگییەكانی ئەمریكا بۆ سەر چەكدارانی دەوڵەتی ئیسلامی ناسراو بە داعش لە سنووری ناحیەی زوممار، نزیكەی 50 چەكداری داعش كوژراون.

ئەو سەرچاوەیە هەروەها رایگەیاند، كە لەنێو چەكدارە كوژراوەكانی داعشدا، دوو ئەمیر هەن، بە ناوەكانی عەبد تەلەعفەری و ئەبوو مریەم.

دوای ئەوەی باراك ئۆباما فەرمانی هێرشی ئاسمانی بۆ سەر بنكەكانی داعشدا، رۆژانە فڕۆكەكانی ئەمریكا بۆردوومانی بنكەكانی داعش دەكەن.







رووداو