ئه‌مرۆ شاندێكی پاتریاكی ولاتانی رۆژهه‌لاتی ناوه‌راست و جیهان به‌ سه‌رپه‌رشتی په‌تریاك مار به‌شار پترۆس ئه‌لراعی سه‌رۆكی تائیفه‌ی مارۆنییه‌كان له‌ لوبنان به‌سه‌ردانێك گه‌یشته‌ فڕۆكه‌خانه‌ی نێوده‌وڵه‌تی هه‌ولێر له‌لایه‌ن كه‌ریم شنگالی وه‌زیری ناوخۆی هه‌رێم و نه‌وازد هادی پارێزگاری هه‌ولێر و شاندێكی پاتریاكی كلدانی له‌ عێراق و هه‌رێمی كوردستان پێشوازی لێكران.

دواتریش شانده‌كه‌ سه‌ردانی ئاواره‌كانی مه‌سیحی و ئێزدی له‌ شارۆچكه‌ی عه‌نكاوه‌ی كرد و له‌ كۆنگره‌یه‌كی رۆژنامه‌وانی دا سه‌رۆكی شانده‌كه‌ رایگه‌یاند كه‌ ئێمه‌ به‌ هه‌موو شێوه‌یه‌كی پشتگیری له‌ ئێوه‌ ده‌كه‌ین و گوتی بۆ گه‌ڕانه‌وه‌ی ئێوه‌ بۆ زێدی خۆتان فشار ده‌خه‌ینه‌ سه‌ر نه‌ته‌وه‌ یه‌كگرتووه‌كان و وڵاتانی عه‌ره‌بی ئیسلامی و كۆمه‌ڵگه‌ی نێوده‌وڵه‌تی.

له‌ به‌شێكی دیكه‌ی كۆنگره‌ رۆژنامه‌وانییه‌كه‌دا سه‌رۆكی تائیفه‌ی مارۆنییه‌كان له‌ لوبنان سوپای حكوومه‌تی هه‌رێمی كوردستانی كرد بۆ حه‌واندنه‌وه‌ و هاوكاریكردنی ئاواره‌كانی له‌ هه‌رێمی كوردستان. وا بڕیاریشه‌ شانده‌كه‌ له‌گه‌ل گه‌وره‌ به‌رپرسانی هه‌رێمی كوردستان كۆببێته‌وه‌.