فڕۆكه‌ جه‌نگیه‌كانی ئه‌مریكا به‌ چڕی مۆڵگه‌كانی چه‌كدارانی داعش له‌ زوومار و رۆژئاوای به‌نداوی موسڵ بۆردومان ده‌كه‌ن و زیانێكی گه‌وره‌یان به‌و چه‌كدارانه‌ گه‌یاندوه‌، به‌جۆرێك 18 چه‌كداریان لێ كوژراوه‌و حه‌وت كه‌سیش بریندار بووه‌.

عیسمه‌ت ره‌جه‌ب، به‌رپرسی لقی 14ی پارتی دیموكراتی كوردستان له‌ موسڵ رایگه‌یاند: ئێستا فڕۆكه‌ جه‌نگیه‌كانی سوپای ئه‌مریكا به‌ چڕی بۆردومانی مۆڵگه‌كانی داعش له‌ زوومار و رۆژئاوای موسڵ ده‌كه‌ن و زیانێكی گه‌وره‌یان به‌و چه‌كدارانه‌ گه‌یاندوه‌ و ژمارەیەک ئۆتۆمبێلی سەربازیان سوتێنراوە.

وتیشی: "به‌پێی زانیارییه‌كانمان له‌و بۆردومانه‌دا 18 چه‌كداری داعش كوژراون و گوازراونه‌ته‌وه‌ بۆ نه‌خۆشخانه‌ی كۆماری له‌ موسڵ و حه‌وت برینداریشیان هه‌یه‌".

راشیگه‌یاند: بۆردومانی فڕۆكه‌ جه‌نگیه‌كان تا ئێستا به‌رده‌وامی هه‌یه‌و هێزه‌كانی پێشمه‌رگه‌ش به‌ چه‌كی قورسه‌وه‌ له‌و په‌ڕی ئاماده‌باشیدان بۆ هه‌ر ئه‌گه‌رێك.







خه‌ندان