بەمەبەستی بەهاناوەچوون و گەیاندنی كۆمەك و هاوكارییەكان بۆ پەنابەرانی كەمپەكانی دهۆك و شەقڵاوە و شیلادزێ و هەولێر و ناوچەكانی دیكە، دەزگای خێرخوازیی بارزانی بەردەوامە لە دابەشكردنی خواردنی ئێواران لە خواردنگەكانی شاریا و خانكێ و كەنداڵا و باتێل و سێمێل و تەناهی و لالش بۆ زیاتر لە 150 هەزار پەنابەری ئاوارەی شەنگال لەسنوری پارێزگای دهۆك دروست دەكات، هاوكات لە كەمپی بەحركەش هاوكاری جۆراوجۆر بەسەر خێزانە پەنابەرەكانی شەنگال و دەوروبەری دابەش دەكرێت.



ئەمڕۆ شەممە، لەدرێژەی كارو چالاكییەكانی دەزگای خێرخوازیی بارزانی لە پارێزگای دهۆك و دەوروبەری خواردن بۆ 150 هەزار ئاوارەی شەنگال دروست دەكرێت لەگەڵ بەردەوامی دروستكردنی خواردن لە سەرجەم خواردنگەكانی خانكێ و شاریا و كەنداڵاو باتێل و لالش و تەناهی و سێمێل بەشێوەیەكی بەردەوام رۆژانە سێ ژەم خواردنیان بۆ دروست دەكرێت, هاوكات لەسەر پردی سحێلا بەشێوەیەكی بەردەوام تیمەكانی دەزگا كێك و شەربەت بەو خانەوادانە دابین دەكات كە دەگەڕێنەوە هەرێمی كوردستان.

لەلایەكی دیكە لەسنوروی دەڤەری شیلادزێ و دێرەلوك تیمەكانی دەزگا بەردەوامن لە دابەشكردنی كەلوپەل و خۆراك و خواردن هاوكات ئەمڕۆش كۆمەك و هاوكاری و پێداویستیان بەسەر 50 خانەوادەی تازە ئاوارەبوودا دابەشكرد, هاوكارییەكەش بەهاوكاری لەگەڵ رێكخراوی خۆراكی جیهانی ئامادەكرابوو, هاوكات شیری منداڵان و غاز و قاپ و قاچاخی ناوماڵیش دابەشكران, لەشارۆچكەی شەقڵاوەش تیمەكانی دەزگای خێرخوازیی بارزانی بەردەوام لە گەیاندن و دابەشكردنی كۆمەك و پێداویستییەكان بەسەر پەنابەرانی شەنگال لەشارەكەدا.

هاوكات لەدرێژەی كارو چالاكییەكانی ئۆفیسی دەزگای خێرخوازیی بارزانی لەكەمپی بەحركە بەشێوەیەكی بەردەوام كەلوپەل و پێداویستی رۆژانە و دەیان جۆر كەلوپەلی دیكە بەسەر پەنابەرانی شەنگال دابەش دەكرێن, لەوانە دابەشكردنی خواردنی ئێواران دابەشكرا جگ لە دابەشكردنی معەلبات و ئیندۆمی و هەروەها دابەشكردنی دۆشك و بەتانی و حەسیرو شیرو حەفازە و خواردنی ئامادەكراو بەسەر 70 خێزاندا كە تازە هاتبوونە ناو كەمپەكە, لەلایەكی دیكە بە هاوكاری لەگەڵا قونسوڵگەری ئیمارات, مانگی سوری ئیماراتی بڕی 1200 كارتۆن خۆراكیان بەسەر پەنابەرانی قەزای بەردەڕەش دابەشكرد.