وه‌زاره‌تی به‌رگری عیراق رایگه‌یاند كه‌ له‌ ئاكامی بۆردومان كردنی مۆڵگه‌یه‌كی تیرۆریستانی داعش له‌ شارۆچكه‌ی شنگال له‌لایه‌ن فڕۆكه‌ جه‌نگییه‌كانه‌وه‌ ئه‌حمه‌د وه‌رشان حه‌دیدى كه‌ پێى ده‌گوترێت ئه‌بو ئه‌سما والی نوێى شنگال و 72 تیرۆریستی دیكه‌ى داعش كوژراون.

له‌و باره‌وه‌ وه‌زاره‌تی به‌رگری عیراق روونی كرده‌وه‌ كه‌ زانیاری هه‌واڵگری سه‌ربازی ئه‌وه‌ دووپات ده‌كه‌نه‌وه‌ كه‌ تیرۆریسته‌كانی داعش له‌و بۆرودومانه‌دا ئه‌و زیانه‌ زۆره‌یان لێ كه‌تووه‌و ئه‌و والییه‌یش كوژراوه‌.

هاوكات له‌ هێرشی فڕۆكه‌ جه‌نگییه‌كاندا بۆ سه‌ر تیرۆریستانی داعش له‌ ده‌وروبه‌ری شارۆچكه‌ى ئامرلی نزیكه‌ى سه‌دو بیست تیرۆریستی داعش كوژراون.