په‌یامنێرانمان له‌ قه‌زای مه‌خمورو ده‌وروبه‌ری به‌ كوردستان تی ڤی یان راگه‌یاند فرۆكه‌ جه‌نگیه‌كان چه‌ندین پێگه‌ی چه‌كدارانی ناسراو به‌داعش یان بۆردومان كردوه‌و وێرای كوژرانی چه‌ندین ئه‌ندامی ئه‌و گروپه‌ به‌سه‌دانی دیكه‌شیان لێ برینداربوون و ده‌یان ئۆتۆمبێلیشیان لێ سوتاندون.

هه‌روه‌ها رایانگه‌یاند هێزه‌كانی پێشمه‌رگه‌ی كوردستان وره‌یان به‌رزه‌و پێیان خۆشه‌ كه‌ هێرش بكه‌نه‌ سه‌ر ناوچه‌كانی دیكه‌ی ئه‌و سنوره‌و له‌ تیرۆریستانی پاك بكه‌نه‌وه‌ چونكه‌ وه‌ك خۆیان باس ده‌كه‌ن داعش هه‌تا به‌رامبه‌ر هێرشه‌كانی فرۆكه‌ش هیچ جوله‌یه‌كیان نه‌ماوه‌و توانایان له‌ده‌ستداوه‌.

به‌ڵام فه‌رمانده‌كان چونكه‌ هێرشنه‌كردنه‌كه‌ په‌یوه‌ندی به‌ پلانی سه‌ربازی نوێوه‌وه‌ هه‌یه‌ هیچ زانیاریه‌كیان سه‌باره‌ت به‌هێرش كردنه‌كه‌ نه‌دا.

راشیگه‌یاند له‌ئیستادا هێزه‌كانی پێشمه‌رگه‌ی كوردستان پێویستیان به‌ خه‌ڵكی خۆبه‌خش نیه‌و، زیاتر پێویستیان به‌ كۆمه‌ك و پشتیوانی هه‌یه‌.