پارتی بڕیارێک بۆ شەرکردنی کادیرەکانی لە دژی داعش دەردەکات
سەرچاوەیەک لە لقی ٢ی پارتی دیموکراتی کوردستان بە باس نیوزی راگەیاند پارتی بڕیاریداوە لە ناوچە و لقەکان کادیرەکانی بۆ بەرەکانی شەری دژی داعش ناونوس بکات.
ئەو سەرچاوەیە ئاماژەی بەوەشدا ناونوسینی کادیرەکان و ھەندێک لە بەرپرسە حزبیەکان دەستی پێکردوە، گوتیشی: ناوی ھەموو ئەوانەی کادیرن و بەرپرسیاریەتیان ھەیە لە رێکخراو تاوەکو ناوچە و لق دەنوسرێت و پرۆسەکەش دەستی پێکردوە، مەبەستیش لێی بەشداری کردنی ئەوانە لە شەری دژی داعش.
سەرچاوەکە ھێمای بۆ ئەوەشکرد ناونوسینەکە بە زۆری نیە بەڵکو پرۆسەیەکی ئارەزوومەندانەیە، گوتیشی: ئەوانەی ناویان نوسراوە پێیان راگەیاندراوە ھەرکات پێوەندیان پێوە کرا دەبێت بەخۆیان و چەکەکانیان ئامادە بن بۆ بەرەی بەرەنگاری و شەری داعش.
