دوای وەستانی ئاڵوگۆریەكانی نێوان هەرێمی كوردستان و كۆماری ئیسلامی ئێران لە دەروازەی نێودەوڵەتیی حاجی ئۆمەران بۆ ماوەی پێنج رۆژ بە هۆی پشوی جەژنی رەمەزانی پیرۆزەوە، ئەمرۆ بزاوتە بازرگانیەكان كەوتنەوە كار.



سەرپەرشتیاری كۆمەڵگای نێودەوڵەتی حاجی ئۆمەران، مەسعود باتێلی، بە ئاژانسی هەواڵی پەیامنێری راگەیاند: بە هۆی پشووی جەژنی رەمەزانەوە ئاڵوگۆریە بازرگانیەكانی نێوان هەرێم و ئێران وەستابوون و ئەمرۆ بۆ جارێكی تر سنورەكان وڵا كرانەوە و بزاوتە بازرگانیەكان كەوتنەوە. هەرچی لایەنی گەشتیاریشە، لە رۆژانی پشووی جەژن بە شێوەی بیست و چوار كاتژمێری هاموشۆكردن بەردەوام بوو، بەڵام بە بەراورد لە گەڵ جەژنەكانی ساڵی رابردوو، هاموشۆی گەشتیاری بە شێوەیەكی بەر چاو كەمی كردبوو.