ئەمڕۆ هێزەكانی پێشمەرگە هێرشیان كردە سەر ئەو گەڕەكانەی كە لە شارەدێی جەلەولا لە دەست چەكدارانی داعشدا بوون و توانییان ئەو شارۆچكەیە بە تەواوەتی كۆنتڕۆڵ بكەن.

بەرپرسی ناوچەی پارتی دیموكراتی كوردستان لە جەلەولا (كامەران محەممەد) گوتی، ئەمڕۆ هێزی پێشمەرگە هێرشیان كردە سەر هەردوو گەڕەكی تەجنید و وەحدە كە لە ژێر كۆنترۆڵی چەكدارانی داعشدا بوون و توانییان كۆنتڕۆڵیان بكەن.

(كامەران محەممەد) ڕوونیشی كردەوە، لە ئێستادا تەنیا لە هەندێك شوێن تاك تاك چەكدار ماون و بە قەنناس تەقە دەكەن، بەڵام هێزی پێشمەرگە هەڵمەتێكی دەست پێ كردووە بۆ ئەوەی بە تەواوەتی پاكی بكەنەوە.

بەرپرسی ناوچەی پارتی دیموكراتی كوردستان لە جەلەولا راشیگەیاند، لەو هێرشەدا پێشمەرگە دوو شەهید و ژمارەیەك برینداری هەیە و لە ریزەكانی چەكدارانی داعشیشدا كوژراو و بریندارێكی زۆر هەیە.




kdp.info