سەرچاوەیەك لە هێزەكانی ئاسایشی داقووق ڕایگەیاند: " دەرنگانێكی شەوی 19‌ی ئەم مانگە هێزێكی قوات بەدری سەر بەشیعە مەزهەبەكان گەیشتنە داقووق و سەرلەبەیانی ئەمڕۆ ئەو هێزە داقووقیان چۆڵكرد.



سەرچاوەیەك لە هێزەكانی ئاسایشی داقووق، بە ئاژانسی هەواڵی پەیامنێری ڕاگەیاند: "دوای دەرنگانێكی شەوی 19 ئەم مانگە هێزێكی قوات بەدری سەر بە شیعە مەزهەبەكان گەیشتنە داقووق كە ژمارەی ئەو هێزە 200 كەس دەبوون و پڕچەك و ئامادەكراون بۆ هەر هێرشێك لەلایەن هێزێكی كوردیەوە هێنرابوون و لە شارۆچكەی داقووق لە ناوچەی ئیمام جێگیر كرابوون .



سەرچاوەکە گوتی: " دوای فشارێكی زۆری ئەو هێزە ئەمنیانەی كە ئاگاداری هاتنی هێزەکە نەبوون و فشاری هاووڵاتیان كە ئەگەر چۆڵی نەكەن خۆپیشاندان ئەنجام دەدەن، ئەمڕۆ شارۆچكەكەیان چۆڵ كردوو بەروشوێنێكی نادیار بەڕێكەوتن.