سەرچاوەیەکى ئەمنى لە کەرکووک ڕایگەیاند" دواى ئەوەى سەر لەبەیانى ئەمڕۆ شەڕ لە نێوان پێشمەرگە و داعش دەستى پێکردەوە پێشمەرگە و پۆلیسى شارۆچکە و شارەدێیەکانى کەرکووک 10 داعشیان کوشت .



سەرچاوەیەکى ئەمنى لە کەرکووک بە ئاژانسى هەواڵى پەیامنێرى ڕاگەیاند " دواى ئەوەى سەر لە بەیانى ئەمڕۆ تیرۆریستانى داعش لە گوندى تەل وەرد لە باشورى شارى کەرکووک دەستیان کرد بەهێرش کردن بۆسەر هێزەکانى پێشمەرگ و پۆلیسى شارۆچکە و شارەدێیەکانى کەرکووک 5 کەس لە هێزەکانى پۆلیسى شارۆچکە و شارەدێیەکان برینداربوون لە گەڵ برینداربوونى 4 پێشمەرگە لەو شەڕەدا کە تاکو ئێستا بەردەوامى هەیە .

سەرچاوەکە گووتى " هێزەکانى پێشمەرگە و پۆلیسى شارۆچکە و شارەدێیەکانى کەرکووک تاکو ئێستا 10 تیرۆریستى سەر بەگروپى دەوڵەتى ئیسلامى لە عێراق و شام داعش کوشتوە .