پارێزگەرێ دھوکێ دگەل شاندەکێ UN ب سەروکاتیا "جاکلین باتوکوک"جێگرا ھنارتیێ سکرتێرێ گشتی یێ UN ل عیراقێ بەحسێ رەوشا پەنابەرێن کەمپا دومیز یا کوردێن روژئاڤایی کوردستانێ و کەمپێن باعەدرێ و تل سین و بەردیە و ھاتە کرن.



پارێزگەرێ دھوکێ "فەرھاد ئەمین " د کونگرەکێ روژنامەڤانی دا راگەھاند: ل رەوشا نھا یا پەنابەرێن ل پارێزگەھا دھوکێ ئاکنجی و پێتڤی و کێماسێن کەمپا دومیز یا کوردێن رۆژئاڤا و بەحسێ قوناغێن کاری و پێتڤین ب ب دوماھی ئینانا چێکرنا کەمپێن باعەدرێ و تل سین و بەردیە و داکوکی کرن بلەز دروست کرنا وان کەمپا دگەل شاندێ UN ھاتنە بەحس کرن.

گوت ژی: پێتڤی یە UN باشتر و زێدەتر ب کاریگەر رۆلێ خو ببینیت د ھاریکاری کرنا کارگێریا پارێزگەھا دھوکێ ژبۆ کێمکرنا کێماسێن خەلکێ پەنابەرێن کوردێن رۆژئاڤا ل کەمپا دومیز و ئەو ئاوارەێن نھا ل کەمپێن دەوروبەرێن پارێزگەھێ دھوکێ ئاکنجی بووین.

دیار کر ژی: وەک کارگێریا پارێزگەھا دھوکێ بەرھەڤی و ئامادەیا خو بۆ پشتەڤانی کرن و ھەر ھاریکاریەکێ بۆ باشتر کرنا رەوشا پەنابەرێن پارێزگەھا دھوکێ ژبۆ سەرکەفتنا کارێ دووپات کریە.

ژلایێ خوڤە سەروکا شاندێ UN "جاکلین باتوکوک" ل عیراقێ دیار کر: پەسنا رۆلێ حکومەتا ھەرێما کوردستانێ د ھاریکاری کرنا پەنابەرێن کوردێن رۆژئاڤا و ئاوارەێن پارێزگەھێن باشوری عیراقێ کر و بەرھەڤیا خو بۆ دابینکرنا پێتڤێن ڤان پنابەرا وەک خارن و کەل و پەلێن پێتڤی دیار کر،ڤەگوھاستنا زێدەتر ژ پێنج ھزار قوتابیا ژ ٣١١ قوتابخانەیێن نوکە تێدا وەلاتی تێدا ئاکنجی و نووژەنکرنا وان قوتابخانەیان بۆ سالا خاندنێ یا بھێت.