سبەینێ، سێشەممە، ئەو وادەیە کۆتایی دێت کە ئەنجومەنی پارێزگای سلێمانی لەیەکەم کۆبوونەوەی خۆیدا بۆ ڕێکەوتنی لایەنەکان لەسەر هەڵبژاردنی سەرۆک و جێگری ئەنجومەنی پارێزگای سلێمانی دیاری کردبوو. بەپێی لێدوانی ئەندامێکی ئەنجومەنی پارێزگاکەش هیچ ئاماژەیەکی تەواو نییە بۆ ڕێکەوتنی یەکێتی نیشتیمانی کوردستان و بزووتنەوەی گۆڕان بۆ ئەوەی سبەینێ پڕۆسەی هەڵبژاردنی سەرۆک و جێگری ئەنجومەن ئەنجام بدرێت.

ئەندامی ئەنجومەنی پارێزگای لە فڕاکسیۆنی پارتی دیموکراتی کوردستان، دانا جەزا، لەلێدوانێکی تایبەت بۆ ئاژانس و ڕادیۆی پەیامنێر گوتی: هیچ ئاماژەیەکی تەواو نییە بۆ ئەوەی سبەینێ سەرۆک و جێگری ئەنجومەنی پارێزگای سلێمانی هەڵبژردرێن

دانا جەزا، گووتی: :"ئێمەش لە ڕاگەیاندنەکانەوە بیستومانە کە یەکێتی و گۆڕان سەبارەت بەو بابەتە چەند پێشنیارێکیان ئاراستەی یەکتر کردووە ".

ئەم ئەندامەی ئەنجومەنی پارێگای سلێمانی، گتی: "سبەینێ کۆبوونەوەکەی ئەنجومەنی پارێزگای سلێمانی بەڕێوەدەچێت و تاکو ئێستا وەڵامی یەکلا کەرەوە بە ئێمە نەگەیەندراوە".

جێگەی ئاماژە بۆ کردنە هەریەک یەکێتی نیششتیمانی کوردستان و بزووتنەوەی گۆڕان خۆیان بە براوەی یەکەمی هەڵبژاردنی ئەنجومەنی پارێزگای سلێمانی دەزانن.