سەرچاوەیەك ئاشكرای دەكات، لە سنووری پارێزگای دیالە، لە لایەن هێزە ئەمنییە عێراقییەكانەوە، لە چەند ناچەیەك ژمارەیەك چەكداری داعش كوژراون و برینداربوون و بەرپرسی قەناسەكانی داعش لە حەوزەی حەمرین لە ناو كوژراوەكاندایە.


سەرچاوەیەكی ئەمنی لە پارێزگای دیالە رایگەیاند؛ لە ئاكامی شەروپێكدادانی هێزە ئەمنییە عێراقییەكان و چەكدارانی داعش، لە زنجیرە چیاكانی حەمرین، بەرپرسی قەناسەكانی داعش لەو ناوچەیە و چەكدارێكی دیكە كوژراون و هەروەها دوو پۆلیسیش برینداربوون.

سەرچاوەكە ئەوەشی راگەیاند، لە لایەكی دیكەوە لە گوندێكی سنووری شاری باقووبەی ناوەندی پارێزگای دیالە، بەهۆی بۆردومانی كۆپتەرەكانی سوپای عێراقەوە، سێ چەكداری داعش كوژراون.

وتییشی، لە چەند ناوچەیەكی سنوورەكە شەڕوپێكدادان بەردەوامی هەیە.