میری ئێزدیان ل کوردستانێ و عێراقێ و جیھانێ سوپاسیا سەرۆک مەسعود بارزانی کر سەبارەت پاراستنا دەڤەرێن ئێزدیان ل ھێلا دەردۆری موسل و دەڤەرێن سەر سنور.


دبەیاننامەیەکی دا کو دانەیەک گەھشتیە رادیۆ و ئاژانسا ھەوالا پەیامنێر، میر تەحسین بەگ میری ئێزدیان ل جیھانی بال کشاندیە لسەر روولی ھێزێن پێشمەرگێن کوردستانی ژبۆ پاراستنا سەر ومال و ھاولاتێن تەخ و چین و کێماتێن ئۆلی و نەتەوی ل دەڤەرێن ھەستیار و سەر سنور و تایبەتی دەڤەرێن کوردێن ئێزدی ل موسل و دەردۆر ، و دڤی واری دا سۆپاسیا بەرێز مەسعود بارزانی سەرۆکی کوردستانی و حکومەتا کوردستانی کریە.
دلەیەکی دی یی د وی برۆسکی دا ھاتیە، ھەر دڤی واری دا کو ب بریارا سەرۆکی ھەرێما کوردستانی ئەو لەشکەرێن ئێزدیی یێن ژ ناڤ لەشکەری عێراقی ڤەکشیاین پشتی ئەفسەر و پلەدارێن وان ئەو بتنی ھشتین ، ڤەگەرن دناڤ ھێزێن پێشمەرگە وەک بەرسڤەک ژبۆ بانگا میر ژبۆ سەرۆک داکو ئەو ژی تەڤی ھێزێن پێشمەرگە ببن ژبۆ پاراستنا دەستکەفتێن کوردستانی و ئاخ و سنورێن وەلات و ھەمی پێکھاتێن کوردستانی.
تی زانین ل پارێزگەھا موسل و ھێلا دەردۆری وی پارێزگەھی ھژمارەکا مەزنا کوردێن ئێزدی لی ژیان دکن و ب دەڤەرێن ئێزدینشینن و پشتی ھێرشێن تەرورستی و کونترۆل کرنا وان دەڤەران پێشمەرگە ئەرکی پاراستنا وان خستیە لشەر شانی خوە و تا نەھا تێنە پاراستن .