27ـی 6ـی 2014 بەڕێز مەسعود بارزانی سەرۆكی هەرێمی كوردستان بە مەبەستی لەنزیك ئاگاداربوونەوەی لە بارودۆخ و پێویستییەكانی هێزەكانی پێشمەرگەی كوردستان سەردانی سنوور و هێڵەكانی ڕووبەڕووبوونەوەی پێشمەرگە لە ڕۆژهەڵاتی ڕووباری دیجلە كرد.


لەم سەردانە مەیدانییەدا سەرۆك بارزانی فەرماندەیی و تەشكیلاتە سەربازییەكانی هێزی پێشمەرگەی كوردستانی لەو دەڤەرەدا بەسەر كردەوە و وردەكاریی و گوزەران و بارودۆخ و ئەو ڕێوشوێنانەی لە نزیكەوە بینی كە لە لایەن هێزی پێشمەرگەی كوردستانەوە و لەپێناو پاراستن و ڕووبەڕووبوونەوەی هەموو هەڕەشەیەك لەو ناوچەیە گیراوەتەبەر.