كابینەی هەشت یەكەم كۆبوونەوەی ئەنجامدەدات
كابینەی هەشتەمی حكومەتی هەرێمی كوردستان رۆژی 18-6-2014 لە پەرلەمانی كوردستان متمانەی وەرگرت و هەمان رۆژ سەرۆك وەزیران و جێگرەكەی و وەزیرەكان سوێندی یاساییان خوارد.
كابینەی هەشتەمی حكومەتی هەرێمی كوردستان بنكە فراوانەو زۆربەی لایەنە سیاسییە سەرەكییەكان لەخۆدەگرێت.
نێچیرڤان بارزانی، سەرۆك وەزیران لەو وتارەیدا كە لەمیانی مەراسیمی متمانەدان و سوێندخواردنی كابینەكە پێشكەشی كرد، كارنامەی كابینەكەی راگەیاند و جەختیكردەوە، كە ئەولەویەتی كاریان دژایەتیكردنی گەندەڵی و كەمكردنەوەی رۆتینات دەبێ.
رووداو
