وەزارەتی گواستنەوە و گەیاندنی هەرێمی كوردستان رایدەگەیەنێ، ئەوبڕیارەی حكومەتی ناوەند دەریكردووە كە لەچەند پارێزگایەكی عێراق هێڵی ئینتەرنێت بووەستێت هەرێمی كوردستان ناگرێتەوە.

14ی حوزەیرانی 2014، حكومەتی عێراق ئەو كۆمپانیایانەی ئاگاداركردەوە كە خزمەتگوزاریی ئینتەرنێتیان لە شارەكانی كەركووك و موسڵ هەیە خزمەتگوزارییەكە رابگرن، بەهۆكاری ناسەقامگیری و ئەو بارگرژییە ئەمنییەی ئەو دووپارێزگایە تێی كەوتوون.

ئەمڕۆ یەکشەممە 15ی حوزەیرانی 2014، لە نووسراوێکدا وەزارەتی گواستنەوە و گەیاندنی حکومەتی هەرێمی کوردستان رایگەیاند، ئەو جۆرە بڕیارە لە هەرێمی کوردستان جێبەجێ ناکرێت و کۆمپانییاکانی هێلی ئینتەرنێت هەروەک پێشتر خزمەتگوزارییەکانیان پێشکەش دەکەن.







رووداو