دانیشتنی‌ ئه‌مڕۆی‌ په‌رله‌مانی‌ كوردستان ده‌ستیپێكرد و به‌گوێره‌ی به‌رنامه‌ی كاریش، په‌رله‌مان له‌سه‌ر ئه‌م چه‌ند خاڵه‌ گفتوگۆ ده‌كات.

به‌ گوێره‌ی‌ به‌رنامه‌ی‌ كار، په‌رله‌مانی كوردستان گفتوگۆ له‌باره‌ی‌ بارودۆخی‌ ناوچه‌ كوردستانیه‌كانی‌ ده‌ره‌وه‌ی‌ ئیداره‌ی‌ هه‌رێم و درێژكردنه‌وه‌ی‌ یاسای‌ به‌ره‌نگاربوونه‌وه‌ی‌ تیرۆر ده‌كات.

هاوكات بڕیاردان له‌سه‌ر وازهێنان و دانانی‌ ئه‌ندامانی‌ لیژنه‌ هه‌میشه‌ییه‌كانی‌ په‌رله‌مان و پێكهێنانی‌ سێ لیژنه‌ی‌ هه‌میشه‌یی دوو خاڵی‌ تری‌ دانیشتنه‌كه‌ی‌ په‌رله‌مان ده‌بن.

راشیگه‌یاند: جگه‌ له‌و خاڵانه‌ پێكهێنانی‌ لیژنه‌یه‌كی‌ كاتی‌ بۆ پێداچونه‌وه‌ به‌ په‌یڕه‌وی‌ ناوخۆی‌ په‌رله‌مان و ده‌ست له‌كاركێشانه‌وه‌ی‌ په‌رله‌مانتارێكی‌ فراكسیۆنی‌ زه‌ردیش له‌به‌رنامه‌ی‌ دانیشتنه‌كه‌دا هاتووه‌.






خه‌ندان