سەر چاوەیەك لە پۆلیسی راپەڕین راگەیاند: دوێنێ‌ ئێوارە لە قەڵادزێ‌ كەسێك لە ماڵی خوشكەكەی خۆی خنكاند.



مستەفا محەمەد، گوتەبێژی پۆلیسی راپەڕین بە پەیامنێری راگەیاند: ئەو هاووڵاتیە لە گەڕەكی ئیمام قاسم لە قەڵادزێ بە وایەری سەتەلایت لە ماڵی خوشكەكەی خۆی خنكاندوە.

گوتیشی، ئەو هاووڵاتیە ناوی(ز.ش.ع) لەدایك بووی ١٩٩١ ەو بە ڕەگەز سوریاییەو و لە سوریاەوە بە شێوەیەكی یاسایی بۆ كاركردن هاتوەتە كوردستان و بۆ ماوەی دوو ساڵە لە ماڵی خوشكەكەیەتی لە قەڵادزێ‌.

باسی لەوەشكرد، دوای رووداوەكە تیمەكانی بەڵگە و تاوان چونە شوێنی ڕووداوەكە و دەركەوتووە ئەو هاووڵاتیە بۆخۆی خۆی خنكاندووە، هاوكات لەلایەن هێزەكانی پۆلیسەوە تەرمەكەی گواسترایەوە بۆ پەیمانگای پزیشكی دادوەری قەڵادزێ بەمەبەستی هۆكاری ڕاستەقینەی ڕووداوەكە و دۆسیەش بۆ ڕووداوەكە كراوەتەوە و لێكۆڵینەوەكانیش لەلایەن پۆلیسەوە دەستی پێكردووە.



PNA