دوای ئەوەی كۆمپانیای جیهان مۆتۆرز ڕایگەیاند، ئۆتۆمبێلی تایبەت بە مامۆستایان دابین دەکات ئەو بڕیارە ناڕەزایی ژمارەیەکی زۆر لە کۆمپانیاکانی فرۆشتنی ئۆتۆمبێل و خاوەن تاکسییەکانی لێکەوتەوە.



پرۆژەی دابەشكردنی ئۆتۆمبیلی جۆری ( توێتا كرۆلا صالون مۆدێل2013 رەنگی تەكسی) بە سەر مامۆستایان راگەیاند و راگەیاندنی پرۆژەكەش نارەزایی ژمارەیەكی زۆر لە خاوەن تەكسی و كۆمپانیاكانی فرۆشتنی ئۆتومبیلی لێكەوتەوە ،



بۆ چارەسەركردنی كێشەکە، دوێنی پارێزگاری سلێمانی و ئەمرۆش( یەك شەمە) ئاوات محەمەد قائیمقامی سلێمانی لەگەڵ نوێنەرانی كۆمپانیای جیهان مۆتۆرس كۆبوونەوە.



راگەیاندنی قائیمقامیەتی سلێمانی ڕایگەیاند؛ لە 4/6 دابەشكردنی ئۆتۆمبیلی (جۆری تویتا كرۆلا صالۆن رەنگی تەكسی) راگیراوە و لە داهاتوودا كۆمپانیای جیهان مۆتۆرز بە هەماهەنگی و راوێژ لە گەڵ ئیدارەی سلێمانی دەست بە كارەكانی دەكاتەوە و ئۆتۆمبیلی تایبەت بۆ مامۆستایان دابین دەكات.



راگەیاندنی قائیمقامیەتی سلێمانی