ئه‌ندامێكی شاندی دانوستانكاری هه‌رێمی كوردستان ده‌ڵێت، دوای په‌سه‌ندكردنی ئه‌نجامه‌كانی هه‌ڵبژاردنه‌كان به‌ شێوه‌یه‌كی فه‌رمی، ده‌ست به‌ دانوستانه‌كان له‌گه‌ڵ لایه‌نه‌كانی عێراق له‌ باره‌ی پێكهێنانی كابینه‌ی نوێی حكوومه‌تی عێراق ده‌كه‌ین و تاوه‌كو ئێستا شاندی دانوستانكاری هه‌رێم هیچ دانیشتنێكی نه‌كردووه‌ .

یاسین حه‌سه‌ن ئه‌ندامێ شاندا دانوستانكار یا هه‌رێما كوردستانێ ب سایتا كه‌ى دی پی ره‌ راگه‌هاند، ئه‌م چاڤه‌رێی په‌سه‌ندكرنا ئه‌نجامێن هه‌لبژارتنان دكین ژبال كۆمسیۆنا هه‌لبژارتنان ڤه‌، ژبه‌ركو تانها گازنه‌ نه‌هاتینه‌ یه‌كئالیكرن و ئه‌نجام ب فه‌رمى نه‌هاتینه‌ په‌سه‌ند كرن، لێ پشتى راگه‌هاندنا ئه‌نجامێن فه‌رمى شاندا هه‌رێمێ دى د ناڤا خوه‌ ده‌ بجڤه‌.

یاسین حه‌سه‌ن راگه‌هاند ژى، تانها توو كارنامه‌یه‌ك ژبۆ ئاوایێ گفتوگۆكرنێ ب به‌غدایێ ره‌ نه‌هاتینه‌ ئاماده‌ كرن، لێ د جڤینا ناڤبه‌را سه‌رۆكێ هه‌رێما كوردستانێ و ئالیێن سیاسی ده‌ هن ئاخفتن د ڤى وارى ده‌ هاتینه‌ كرن، كو ئه‌و ژى دبه‌ نه‌خشه‌ رێیه‌ك ژبۆ ئاوایێ گفتوگۆكرنێ ب به‌غدایێ ره‌.

ته‌كه‌ز ژى كر، كو كورد ب ته‌نێ دژاتیا سێباره‌ به‌ربژار كرنه‌ڤا نورى مالكى ناكه‌ ژبۆ پۆستا سه‌رۆكاتیا وه‌زیران، لێ ئالیێن سوننی و شیعه‌یان ژى ل دژى به‌ربژاركرنه‌ڤا نورى مالكینه‌ ژبۆ وێ پۆستێ.