به‌پێی ئه‌نجامی هه‌ڵبژاردنه‌كان كه‌ ئه‌مرۆ كۆمیسیۆنى باڵاى سه‌ربه‌خۆى هه‌ڵبژاردنه‌كان له‌ عێراق رایگه‌یاند پارتی دیموكراتی كوردستان 25 كورسی بۆ ئه‌نجومه‌نی نوێنه‌رانی عێراق مسۆگه‌ر كردووه‌ ، تێیدا پارتی له‌كۆی ئه‌و پارێزگایانه‌ی كاندیدی هه‌بوو، 25 كورسی به‌ده‌ستهێنا، ئه‌مه‌ش كه‌متره‌ له‌و رێژه‌یه‌ی چاوه‌ڕوانی ده‌كرد، له‌كاتێكدا یه‌كێتی نیشتیمانی كوردستان به‌ڕێژه‌یه‌كی به‌رچاو زیادی كردووه‌ و گه‌شتووه‌ته‌ 21 كورسی په‌رله‌مان و پارتی 6 كورسی كه‌می كردووه‌ چونكه‌ له‌ هه‌ڵبژاردنی پێشووی په‌رله‌مانی عێراقدا كورد 57 كورسی هه‌بوو و ته‌نیا پارتی 31 كورسی به‌ده‌ستهێنابوو، ئه‌مجاره‌ كه‌ كورد 6 كورسی زیاد ده‌كات و رێژه‌ی كورسیه‌كانی ده‌گه‌یه‌نێته‌ 63.

چاوه‌ڕوان ده‌كرا پارتی لانی كه‌م بگاته‌ 34 كورسی، به‌ڵام به‌پێچه‌وانه‌وه‌ بۆ 25 كورسی كه‌میكردووه‌، پارتی دیموكراتی كوردستان به‌هۆی ئه‌و سیسته‌مه‌ نوێیه‌ی كۆمسیۆنی هه‌ڵبژاردنه‌كان كورسیه‌كانی كه‌می كردووه‌ .

له‌رووی ده‌نگه‌وه‌، ئه‌گه‌رچی ده‌نگه‌كانی هه‌ڵكشان واتا زیادى كردووه‌، به‌ڵام سیسته‌مه‌كه‌ ده‌نگێكی زۆری پارتی فه‌وتاندووه‌، بۆیه‌ ده‌بینین له‌ هه‌ڵبژاردنی ئه‌نجومه‌نی پارێزگاكان به‌ هه‌مان ئه‌و ده‌نگانه‌ به‌ جیاوازیه‌كی كه‌م، پارتی زۆرینه‌ی هێناوه‌ و كورسیه‌كانیشی له‌ هه‌رسێ پارێزگای هه‌رێمی كوردستان، له‌پێشه‌، چونكه‌ به‌پێی سیسته‌می هه‌ڵبژاردنه‌كانی هه‌رێمی كوردستان ده‌نگی پارتی نه‌فه‌وتاوه‌.