پڕۆسەی جیاکردنەوەو ئەژمارکردنی پڕۆسەی دەنگدانی تایبەت لە سنووری پارێزگای سلێمانی کۆتایی هات. چاوەڕێ دەکرێت ئەمڕۆ کۆتای هاتنی پڕۆسەکە ڕابگەیەندرێت.



بەپێی ئەو زانیاریانەی لە هۆڵی هەڵگورد عارفەوە دەست ئاژانس و ڕادیۆی پەیامنێر کەوتووە، پڕۆسەی جیاکردنەوەو ژماردنی لە %٩٩ی دەنگەکانی هەڵبژاردنی خولی سێیەمی ئەنجومەنی نوێنەرانی عێراق و %١٠٠ی پڕۆسەی جیاکردنەوەو ژماردنی دەنگەکانی ئەنجومەنی پارێزگای سلێمانی کۆتایی هاتووە.



لەسنوری پارێزگای سلێمانی زیاتر لە ٧٢ هەزار کەس لە هێزەکانی پۆلیس و ئاسایش و نەخۆشی ناو نەخۆشخانەکان مافی دەنگدانیان هەبووە، لەو ژمارەیەش زیاتر لە حەفتاو یەک هەزار کەس لە هەڵبژاردن دا بەشداریان کردوە.