لەدرێژەی كارە خێرخوازییەكانیدا، دەزگای خێرخوازیی بارزانی بەهاوكاری لەگەلأ رێكخراوی رایز لەدوو هەڵمەتەدا لە كەمپی ئاكرێ و قوشتەپە هەستان بە دابەشكردنی شەربەت بەسەر 1250 پەناخوازدا، هاوكات لە كەمپی دۆمێزیش لەلایەن دەزگای خێرخوازیی بارزانییەوە بەمەبەستی دۆزینەوەی هەلی كار و دەستەبەركردنی بژێوی ژیانیان، 40 دوكان بەسەر پەناخوازانی كەمپەكەدا دابەشكرا.
رۆژی 5-7/5/2014 لە دوو هەڵمەتدا دەزگای خێرخوازیی بارزانی بە هاوكاری لەگەڵ رێكخراوی رایز هەستان بەدابەشكردنی شەربەت و ئیندۆمی بەسەر پەناخوازانی كەمپی ئاكرێ كە تیایدا 306 خێزانی پەنابەری رۆژئاوای كوردستان سوودمەندبوون، هاوكات لەكەمپی قوشتەپەش بەهەمانشێوە شەربەت بەسەر 936 پەناخوازدا دابەشكرا.
لەلایەكی دیكە، دەزگای خێرخوازیی بارزانی لەپێناو رەخساندنی هەلی كار بۆ پەناخوازانی رۆژئاوای كوردستان و پەیداكردنی بژێوی ژیانیان، هەستا بەدروستكردنی 40 دوكان بۆ پیشەگەرانی كەمپی دۆمێز، بۆ ئەوەی لەناو كەمپەكەدا كاری فرۆیشتنی شتومەك ئەنجام بدەن.