دوای ئه‌وه‌ی دوێنێ به‌رێز مه‌سعود بارزانی سه‌رۆكی هه‌رێمی كوردستان له‌سه‌ر بانگهێشتێكی ڕه‌سمی كه‌ له‌لایه‌ن شا عه‌بدوڵڵا شای ئوردنه‌وه‌ ئاراسته‌ی كرابوو، به‌ سه‌ردانێكی فه‌رمی به‌ره‌و وڵاتی ئوردن به‌ڕێ كه‌وت.

بڕیار وایه‌ سه‌ردانه‌كه‌ی سه‌رۆكی هه‌رێمی كوردستان بۆ وڵاتی ئوردن چه‌ند ڕۆژێك بخایه‌نێت و تیایدا زنجیره‌یه‌ك كۆبوونه‌وه‌ له‌نێوان شای ئوردن و سه‌رۆكی هه‌رێمی كوردستان و شاندی هاوڕێی ئه‌نجام بدرێت.

له‌و كۆبوونه‌وانه‌دا باسی په‌ره‌پێدنی په‌یوه‌ندییه‌ ئابووری و فه‌رهه‌نگی و بازرگانییه‌كانی نێوان هه‌رێمی كوردستان و وڵاتی ئوردن ده‌كرێت كه‌ له‌خزمه‌تی هه‌ردوولا و عێراقیشدا بێت. شایه‌نی باسه‌ شاندێك له‌ به‌رپرسانی حكوومیی هه‌رێمی كوردستان له‌و سه‌ردانه‌دا یاوه‌ریی سه‌رۆك بارزانی ده‌كه‌ن كه‌ پێكهاتووه‌ له‌: مه‌سرور بارزانی ڕاوێژكاری ئه‌نجوومه‌نی ئاسایشی هه‌رێمی كوردستان، كه‌ریم سنجاری وه‌زیری ناوخۆ، دكتۆر فواد حوسێن سه‌رۆكی دیوانی سه‌رۆكایه‌تیی هه‌رێمی كوردستان و فه‌لاح مسته‌فا به‌رپرسی فه‌رمانگه‌ی په‌یوه‌ندییه‌كانی ده‌ره‌وه‌.