دوای گەڕانێكی زۆر، پۆلیسی پێنجوێن تەرمی مێردمنداڵێكیان دۆزییەوە لە نزیك گوندێك، كە بەفیشەك كوژراوە. كەسوكارەكەشی دەڵێن، نازانن كێ لە پشت كوشتنی كوڕەكەیانەوەیە.

رۆژی 26-3 کوڕێكی تەمەن 14 ساڵ بەناوی شیروان نیعمەت عەبدوڵڵا، دیارنەمابوو و كەسوكارەكەی دەیانگوت چەند هاوڕێیەكی بانگیان كردووە و بردویانە بۆ یاری تۆپی پێ، بەڵام ئیتر نەگەڕابوویەوە تاوەكو بە كوژراوی دۆزرایەوە.

سەرچاوەیەك لە پۆلیسی پێنجوێن، بە تۆڕی میدیایی رووداوی راگەیاند، كاژێر 1ـی پاش نیوەڕۆی ئەمڕۆ پێنجشەممە 27-3، تەرمەكە لە نزیك گوندی (ساڵیاوا)لە قەزای پێنجوێن دۆزراوەتەوە و دۆسیەی لێكۆڵینەوەی بۆ كراوەتەوە.










رووداو