تیرۆریستان هێزە ئەمنییەكانی شاری كەركووكیان كردۆتە ئامانجی خۆیان بەردەوام هێرش دەكەنە سەریان بەتایبەتیش لە خوارووی كەركوك.



سەرچاوەیەك لە پۆلیسی كەركوك بە ئاژانسی هەواڵی پەیامنێری ڕاگەیاند " سەر لەبەیانی ئەمڕۆ سێشەممە چەند چەكدارێكی نەناسراو هێرش دەكەنە سەر بنكەیەكی هێزەكانی سەحوە لە نێوان گوندی شمیت و زاب سەر بەشارەدێی زاب لە ئەنجامی ئەو هێرشەدا كەسێك لە هێزەكانی سەحوە دەكوژرێت و كەسێكی دیكەیش بریندار دەبێت تیرۆریستانیش بەرەو شوێنێكی نادیار هەڵدێن.