لە گوندی ساڵح ئاغای سەر بە شارەدێی قۆرەتووی سەربەشارۆچكەی خانەقین، پیاوێكی خێزانداری تەمەن 29 ساڵ بە پەت خۆی خنكان.
موقەدەم حەسەن محەمەد بەرپرسی راگەیاندنی بەڕێوەبەرایەتی پۆلیسی گەرمیان راگەیاند: ئەو هاووڵاتیە ناوی محەمەد عەلی قادرەو لەدایك بووی ساڵی 1985.
وتیشی: ئەو كەسە خێزاندارەو باوكی 4 منداڵە،نیوەڕۆی ئەمڕۆ پەتی بۆخۆی هەڵخستوەو بە پەت خۆی خنكاندوە
جەختیشی كردوە كە باری دەرونی جێگیرەو هیچ گرفتێكی دەروونی نەبووە و لێكۆڵینەوەش بەردەوامە.