ئەمڕۆ دیاردەی خۆرگیرانێكی تێكەڵ روودەدات كە ماوەی نزیكەی بیست و شەش ساڵە ئەم جۆرە خۆرگیرانە رووینەداوە، كە بەشێوەیەكی جیاواز لە وڵاتانی جیهان دەبینرێت وهەروەها شێوازی خۆرگیرانەكە بەشێوەیەكی بازنەیی لە چەند ناوچەیەكی دونیا و دواتر خۆرگیرانی تەواو لە چەند ناوچەیەكی دیكەو و ناتەواو لە چەند شوێنێكی تر دەبینرێت هەروەها لە عێراق و هەرێمی كوردستانیش هەستی پێدەكرێت و دەبینرێت.

ئەم خۆرگیرانەش دوایین خۆرگیرانی لەم شێوەیە دەبێت لەمساڵدا و لە ساڵی 2020 دووبارە دەبێتەوە .
دیارەكەی ئەمڕۆی خۆرگیران لەجیهان لەكاتژمێر 1 و چوار خولەك و 33 چركە دوای نیوەڕۆ بەكاتی بەغدا لە زەریای ئەتلەسییەوە لەناوچەی سێگۆشەی بەرمۆدا دەست پێدەكات و لە كاتژمێر 6:28 خولەك لە رۆژئاوای سۆماڵ كۆتایی پێدێت .

خۆرگیرانی ناتەواو لە عێراق و هەرێمی كوردستان كاتژمێر 4:18 خولەك دەبینرێت و لە هەرێمی كوردستان ماوەكەی 1 خولەك و 39 چركە دەبێت و بەهۆی بوونی هەورێكی زۆر لە ئاسماندا ئاستی بینینی كەم دەبێت.