سەرۆكی هەرێمی كوردستان پێشوازی لە كونسوڵی میرنشینی عەرەبیی یەكگرتوو دەكات
لە دیدارێكدا كونسۆڵی میرنشینی عەرەبیی یەكگرتوو سڵاوی شێخ خەلیفە بن زایدی سەرۆكی میرنشینی عەرەبیی یەكگرتووی بە سەرۆك بارزانی گەیاند و زۆر سپاسی سەرۆك بارزانی كرد بۆ ڕەخساندنی ئەو دیدارە. هەروەها پیرۆزبایی لە گەلی کوردستان کرد بەبۆنەی سەرکەوتنی هەڵبژاردنی پەرلەمانی کوردستان. جەختیشی کردەوە کە وڵاتەكەی خوازیارە پەیوەندییە سیاسی و ئابوورییەكانی نێوان هەرێمی كوردستان و میرنشینی عەرەبیی یەكگرتوو پەرەی زیاتر بستێنێت.
لای خۆیەوە سەرۆك بارزانی سپاسی كونسوڵی گشتیی میرنشینی عەرەبیی یەكگرتووی كرد و خۆشحاڵیی خۆیشی بۆ گەشەسەندنی پەیوەندییەكانی نێوان هەرێمی كوردستان و میرنشینی عەرەبیی یەكگرتوو نیشان دا و هیواشی خواست ئەو پەیوەندییانە توندوتۆڵتر بن.
