١ی تشرینی دووه‌م/ ئۆکتۆبەر(گولان میدیا)- له‌ لێدوانێكدا بۆ ماڵپه‌ڕى فه‌رمیى حكوومه‌تى هه‌رێمى كوردستان، سه‌فین دزه‌یى ووته‌بێژى فه‌رمیى حكوومه‌ت ڕایگه‌یاند: \"حكوومه‌تى هه‌رێمى كوردستان پێشوازى له‌و پاكێچه‌ى دیموكراسى ده‌كات كه‌ له‌ لایه‌ن به‌ڕێز ڕه‌جه‌ب ته‌ییب ئه‌ردۆغان سه‌رۆك وه‌زیرانى توركیاوه‌ ڕاگه‌یه‌نرا\"".

دزه‌یى هه‌روه‌ها گوتى: \""پێمان وایه‌ ئه‌م پاكێچه‌ هه‌نگاوێكى باشه‌ به‌ره‌و دیموكراتیزه‌كردنى زیاتر و چه‌سپاندنى زیاترى بنه‌ما و پره‌نسیپه‌كانى دیموكراسى له‌ توركیا كه‌ هه‌موو تاكێكى ئه‌و ووڵاته‌ لێى سوومه‌ند بێت. هیوادارین سه‌ره‌تایه‌ك بێت بۆ هه‌ڵنانى هه‌نگاوى گه‌وره‌تر به‌ره‌و چاره‌سه‌ركردنى هه‌موو پرس و كێشه‌كانى توركیا و پرسى كورد له‌و ووڵاته‌ له‌ چوارچێوه‌ى پرۆسه‌ى ئاشتى و دیالۆگدا، هه‌روه‌ها ببێته‌ ڕێگه‌خۆشكه‌رێك بۆ به‌ره‌وپێشبردنى پرۆسه‌ى ئاشتى له‌ توركیا. هه‌نگاوێكى ئه‌رێنییه‌ و پێویسته‌ پشتگیرى لێ بكرێت\""."