سەرلەبەیانی ئەمرۆ پرۆسەی دەنگدان بۆ هەڵبژاردنی پەرلەمانی کوردستان لە شارۆچکەی راوندز هاوشێوەی شارو شارۆچکەکانی دیکەی هەرێمی کوردستان دەستی پێکرد، بەپێ ئامارەکانی کۆمسیۆنی باڵای هەڵبژاردنەکان 11 ناوەندی دەنگدان و 33 وێستگە لە راوندز کراونەتەوە و 13336 کەس مافی دەنگدانیان هەیە.

خالید قادر بەرپرسی بنکەی کۆمسیۆنی باڵای هەڵبژاردنەکان لە راوندز بە ئاژانسی هەواڵی پەیامنێری راگەیاند \" کاتژمێری 7ی بەیانی ئەمرۆ پرۆسەی دەنگدان لە شارۆچکەی راوندز بەرێوەچوو و تائێستا پرۆسەکە بەردەوامە و بەرێکوپێکی بەرێوەدەچێت و هیچ سکاڵایەک تۆمارنەکراوە\"".



هاوکات هەرئەمرۆ پرۆسەی دانگدانی گشتی لە شارۆچکەی چاومان و هەرچوار شارەدێی قسرێ و سمێلان و گەڵاڵە و حاجی ئۆمەرانی سەر بە ئەو شارۆچکەیە بەرێوەچوو کە 18097 کەس مافی دەنگدانیان هەیە،و هاوڵاتیان بە جۆش و خرۆشەوە روویان کردۆتە بنکەکانی دەنگدان.
ئیبراهیم حسێن بەرپرسی بنکەی کۆمسیۆنی باڵای هەڵبژاردنەکان بە ئاژانسی پەیامنێری راگەیاند\"" پرۆسەکە بە خێرایی بەرێوەدەچێت و 285 کارمەندی کۆمسیۆن دابەشکراونەتە سەر 11 ناوەندی دەنگدان و 43 وێستگە سەرجەم ناوچەکانی شارۆچکەکە."