هۆشیار زێباری ئەندامی مەکتەبی سیاسیی پارتی دیموکراتی کوردستان سەبارەت بە لێدوانێکی ئەمڕۆی دۆناڵد ترەمپ سەرۆکی ئەمەریکا لەبارەی مانەوەی هێزەکانی ئەمەریکا لە عێراق دەڵێ ئەمە عێراق تووشی شەرمەزارییەکی زۆر دەکات

.

دۆناڵد ترەمپ، لە نوێترین چاوپێکەوتنیدا لەگەڵ کەناڵی (CBS News)، ڕایگەیاند کە ئەو پێداگرە لەسەر جێبەجێکردنی پلانی کشانەوە سەربازەکانییان لە سووریا. ئەوەشی ئاشکرا کرد کە بەشێک لەو ھێزە لە عێراق جێگیر دەکرێن و بەشەکەی دیکە دەگەڕێنەوە ئەمریکا.



گوتیشی: " هێزە ئەمەریکییەکان بۆ چاودێریکردنی جموجۆڵەکانی ئێران لە عێراق دەمێننەوە“



لەمبارەیەوە زێباری لە توویتێکیدا کە لە لاپەڕەی خۆی لە تۆڕی کۆمەڵایەتی توویتەر بڵاویکردووەتەوە ڕای خۆی سەبارەت بەو لێدوانەی ترەمپ ئاشکراکردووە و ڕایگەیاندووە کە "عێراق لەبەردەم هەڵبژاردنێکی قورسدایە".


هۆشیار زێباری نووسیویەتی: "لێدوانەکەی سەرۆکی ولایەتە یەکگرتووەکانی ئەمەریکا، دۆناڵد تڕەمپ، سەبارەت بە مانەوە و هێشتنەوەی بنکەیەکی ئەمەریکی لە عێڕاق بۆ چاودێریکردنی ئێران، عێراق تووشی شەرمەزارییەکی زۆر دەکات و لەبەردەم هەڵبژاردنێکی قورسدایە".







باسنیوز