سەردەمێك نۆكیا لەریزی سەركەوتووترین كۆمپانیاكانی بەرهەمهێنانی مۆبایل دەهات، بەڵام دوای ئەوەی كە سیتسەمی ئەندرۆیدی وەك سیتسەمی مۆبایلەكانی پەسەند نەكرد، كۆمپانیاكە بەرەو شكست رۆیشت و رۆژ بە رۆژ دواكەوت.. هەرچەندە ئێستا نیازی هەیە بە گۆڕانكارییەكی دیكەوە بێتەوە گۆڕەپانەكە... لەم ماوەیەدا خۆی لە جیهانی كاتژمێری سمارتدا خۆی تاقی كردۆتەوە و كاتژمێری زیرەكی جۆری steel HRی بەرهەم هێنا.
هەروەك زۆربەی كاتژمێرە سمارتەكان لایەنی تەندروستی مرۆڤ گرنگی پێدراوە.
دیزاینی كاتژمێرەكە هەروەك كاتژمێرە كلاسیكیەكان دەچێت، بەڵام شاشەیەكی دیجیتالی هەیە كە لێدانی دڵ، چۆنییەتی خەو، ئاگاداركردنەوەی پەیام و پەیوەندییەكان لە مۆبایلەكەدا هەیە، خاڵی بەهێزی كاتژمێرە سمارتەكە لەگەڵ كاتژمێرەكانی دیكە ئەوەیە كە درەنگ باتری دادەبەزێت و هەركاتێك شەحن بكرێتەوە هەتا 25 رۆژ پێویستی بە شەحنكردنەوە نییە. قەوارەی كاتژمێری ناوبراو دوو سایزی 36 و 40 ملمی هەیە لەگەڵ دوو رەنگی سپی و رەش.