كەم كەس هەیە نەزانێت گوگل ئێرت چییە، خزمەتگوزار كۆمپانیای گوگل بۆ دۆزینەوەی نەخشەكانی جیهان.. لەم رۆژانەدا بە بۆنەی یادی رۆژی زەوی، جارێكی دیكە گوگل گۆڕانكاری نوێی لەم خزمەتگوزارییەدا پێكهێنا. بۆ نموونە ئێستا بەكارهێنەران دەتوانن شوێنە تایبەتییەكان بەشێوەیەكی سێ دۆری ببینن.. وەك ئەوەی كە لە فڕۆكەیەك دابی و بەسەر زەویدا بسوڕیەوە.. دیمەنەكان.. دراستان و رووبارەكان، شارەكان بەوجۆرەی كە هەن سەیری دەكەی.
تەنانەت هەركاتێك لەسەر شوێنێك رایدەگری زانیاری گرنگ سەبارەت بە و شوێنە نیشان دەدات. لەم ڤێرژنە نوێیەدا بەكارهێنەر دەتوانێ گەشتێكی ڤیدیۆی بۆ شەش ژینگەی جۆراوجۆر بكات.
دوگمەیەكی تێدایە بەناوی I’m Feeling Lucky واتە خۆم و شانسم.. هەركاتێك دایبگری دەبات بۆ شوێنێكی چاوەڕوان نەكراوە بۆ نموونە ماڵێكی ئۆپێرا لە ئیتالیا، كانییەكی ئاوی گەرم لە ژاپۆن. یان چیایەكی مەزن لە شوێنێكی جیهان..
ڤێرژنی نوێی گوگل ئێرت هەتا گەیشتۆتە ئەم قۆناغە دوو ساڵ كاری بەردەوامی ویستووە.. جوگرافیناسان و توێژینەوەر و لێكۆڵەرەوانی زەوی ناسی كاریان لەسەر كردووە.