له‌ ئۆپه‌راسیۆنێكی گه‌وره‌دا له‌ شاری كۆنیا، هێزه‌كانی ئاسایشی توركیا 25 سه‌ربازی سوپای وڵاتەكەیان ده‌ستگیر كرد، كه‌ به‌ نهێنی كاریان بۆ بزوتنه‌وه‌ی خزمه‌تی فەتحوڵا گولەن كردووه‌ و نهێنی ده‌وڵه‌تیان بردووەتە دەرەوە.

ئاژانسه‌كانی هه‌واڵی توركیا بڵاویان كرده‌وه‌ ئه‌مڕۆ پێنجشەممە هێزه‌كانی ئاسایش له‌ شاری كۆنیا له‌ توركیا، توانیان ئۆپه‌راسیۆنێك بۆ ده‌ستگیركردنی 25 سه‌ربازی تورك ئه‌نجام بده‌ن و هه‌موویان ده‌ستگیر كران، جگه‌ له‌وه‌ش 9 فه‌رمانبه‌ری ده‌زگای سه‌ربازی ده‌ستگیر كران.

له‌ هه‌واڵه‌كه‌دا هاتووه‌ كە ئه‌و سه‌ربازانه‌ به‌ نهێنی چاودێری ته‌لەفۆنیان كراوه‌ و ده‌ركه‌وتووه‌ كار بۆ فه‌تحوڵڵا گوله‌ن سه‌رۆكی بزوتنه‌وه‌ی خزمه‌ت ده‌كه‌ن.

تاوه‌كو ئێستە سه‌دان سه‌ربازی توركیا به‌ تۆمه‌تی ئه‌وه‌ی سه‌ر به‌ فه‌تحوڵڵا گوله‌نن ده‌ستگیر كراون و له‌ كاره‌كه‌شیان دوور خراونه‌ته‌وه‌، ئه‌مه‌ش ده‌ریده‌خات تاوه‌كو ئێستەش سێبه‌ری گوله‌نییه‌كان به‌سه‌ر كه‌رتی سه‌ربازی توركیاوه‌ ماوه‌.











باسنيوز