بەپێی زانیاریی میدیا فەرمییەکانی ئێران، ئەمڕۆ یەکشەممە بەهۆی ئاگرکەوتنەوە لە تاقیگەیەکی ئاسمانی لە تاران سێ کەس گیانیان لەدەست داوە.

محەمەدجەواد ئازەری جەهرومی، وەزیری پەیوەندی و تەکنۆلۆژیای ئێران لە لێدوانێکدا بۆ ماڵپەڕی (ئیسنا) ئاشکرای کردووە: "ئەو ڕووداوە بەهۆی ئاگرکەوتنەوە بووە و جەختی کردووەتەوە کەس ئاگای لەوە نەبووە کە لەناو بینای تاقیگەکەدا سێ کەس سەرقاڵی کارن، بۆیە بووەتە هۆی گیان لەدەستدانیان".

ئەو بەرپرسە باڵایەی ئێران هیچ ئاماژەیەکی بە هۆکاری ئاگرکەوتنەوەکە و ناو ناسنامەی ئەو سێ کەسە نەکردووە.

ئەو ئاگرکەوتنەوەیە لەناو تاقیگەی ئاسمانیی ئێران، هاوکاتە لەگەڵ هەوڵەکانی ئێران بۆ هەڵدانی کەشتییەکی نوێی ئاسمانی کە دوو هەفتە لەمەوبەر بڵاویان کردەوە تاقیکردنەوەکەیان سەرکەوتوو نەبووە.











باسنيوز