لە لێدوانێکیدا بۆ میدیاکانی وڵاتەکەی، لاڤرۆڤ دەربارەی هەوڵ و هەماهەنگیی نێودەوڵەتی بۆ چارەسەریی کێشەی سووریا گوتی: “ هەوڵ و کۆششی دۆستەکانمان لە ڕێکخستنی دیدارە نێودەوڵەتییە باڵاکاندا دەربارەی سووریا بەرز دەنرخێنین، هەر پەیوەست بەم بابەتەش، لە ناوەڕاستی مانگی داهاتوودا دیداری نوێی ئەستانا ئەنجام دەدرێت”.

لە ماوەی ڕابردوودا، ئەستانای پایتەختی کازاخستان 10 گەڕی دانیشتن و دیداری تایبەت بە هەوڵە نێودەوڵەتییەکانی بۆ چارەسەرکردنی قەیرانی سووریا لەخۆی گرتووە. بەرهەمی ئەم دیدار و کۆبوونەوە نێودەوڵەتییانەش ڕێککەوتنی پێکهێنانی ناوچەگەلێک بوو بۆ کەمکردنەوەی پشێوی، ئەو ڕێککەوتنەی هۆکارێک بوو بۆ پاشەکشێی ڕێژەیی توندوتیژییەکان لە سووریا.










باسنيوز