فڕۆکە جەنگییەکانی ئیسرائیل جارێکی دیکە فڕۆکەخانەی دیمەشقی پایتەختی سووریا بۆردومان دەکەن.



بەپێی هەواڵێکی رۆژنامەی (شەرقولئەوسەت)، سەرچاوەیەکی سەربازیی رژێمی سووریا رایگەیاندووە، بۆردومانەکە کاتژمێر 11:15 خولەکی شەوی هەینی 11-1-2019 کراوە.



ئەو سەرچاوەیەی رژێمی سووریا دان بەوەدا دەنێت، کە بۆردومانەکە تەنیا یەک کۆگای چەک و تەقەمەنی پێکهاوە، چونکە بە گوتەی ئەو، هێزی بەرگریی ئاسمانیی رژێمی سووریا زۆربەی مووشەککەانی لە ئاسمانەوە تێک شکاندووە.



روانگەی سووری بۆ مافەکانی مرۆڤ رایگەیاندووە، کە فڕۆکە جەنگییەکانی ئیسرائیل سێ بنک ە کۆگای چەک و تەقەمەنییان کردووەتە ئاانج و تەقاندویاننەتەوە.



هەروەک روانگەی سووری رایگەیاندووە، ئەو سێ کۆگایەی تەقێندراونەتەوە، کۆگای تەقەمەنیی میلیشیای حزبوڵڵای لوبنانی و میلیشیا و هێزە ئێرانییەکان بوون.



ماوە ماوە فڕۆکە جەنگییەکانی ئیسرائیل ئامانجی دیاریکراو لە سووریا بۆردومان دەکەن و باس لەوە دەکەن، کە هەرگیز رێگا بە نزیکبوونەوەی حزبوڵڵا و هێزە ئێرنییەکان لە سنوورەکانی وڵاتەکەیان، نادەن.


باسنیوز