رۆژنامەی وۆڵ ستریت جۆرناڵ لە زاری بەرپرسێکی باڵای ئەمەریکا ئاشکرایکردووە: "حکومەتی تورکیا داوای لە ئەمەریکا کردووە، پشتگیری سەربازیی، ئاسمانیی، گواستنەوە و لۆجیستی پێشکەش بکات تاکو بتوانێت بەرپرسیارەتی جەنگی دژ بە داعش لە ئەستۆ بگرێت".

دۆناڵد ترەمپی سەرۆکی ئەمەریکا پێشتر رایگەیاندبوو کە ئەوان جەنگی دژ بە داعش لە سووریا ناکەن و ئەو ئەرکە بۆ تورکیا جێدەهێڵن، بەڵام تورکیا بۆ ئەنجامدانی ئەو کارە مەرجی خۆی هەیە.

پێشتریش، رەجەب تەیب ئەردۆغانی سەرۆکی تورکیا رایگەیاندبوو کە سوپای تورکیا هێرشدەکاتە سەر هێزەکانی یەپەگە لە منبج و چاوەڕێی کشانەوەی هێزەکانی ئەمەریکا دەکەن، ئەمەش وایکرد مایک پۆمپیۆ، وەزیری دەرەوەی ئەمەریکا بڵێت: "گەرەنتیمان لە تورکیا دەوێت کە کوردەکان رەشەکوژ نەکات".





K24