بەهۆی رووداوێکی شەمەندەفەرەوە، ژمارەیەک گەشتیار لە نێوان دوو دورگەی دانیمارک، بوونە قوربانی.

رووداوەکە کاتژمێر 8ـی سەرلەبەیانیی ئەمڕۆ چوارشەممە 2-1-2019 لە سەر پردی (ستووربیڵت) لەنێوان هەردوو دورگەی زیلاند و فین، رووی داوە.

بەپێی زانیارییەکان، رووداوەکە لە ئەنجامی کەوتنە خوارەوەی چەند کەلوپەلێک لە شەمەندەفەرێکی بارهەڵگرەوە رووی داوە، کە دواتر شەمەندەفەرێکی گواستنەوەی کەلوپەل بە سایدی بەرامبەردا تێپەڕیوە و بووەتە هۆی وەستانی لەناکاوی شەمەندەفەرەکەی دواتر.

ئەگەرچی تا ئێستا لایەنە پەیوەندیدارەکان هیچ زانیارییەکیان لەبارەی رووداوەکەوە بڵاو نەکردووەتەوە، بەڵام زانیارییە میدیاییەکان باس لە گیان لەدەستدانی شەش کەس و برینداربوونی ژمارەیەکی دیکە دەکەن.











باسنيوز