ئه‌مڕۆ دووشەممە داواكاری گشتیی ئه‌نكه‌را، فه‌رمانی ده‌ستگیركردنی بۆ 25 ئه‌فسه‌ری سه‌ر به‌ ده‌زگای سه‌ربازی توركیا ده‌كرد، تۆمه‌تی ئه‌وه‌یان دراوه‌ته‌ پاڵ سه‌ر به‌فه‌تحوڵڵا گوله‌نن.

داواكاری گشتیی ئه‌نكه‌را، فه‌رمانی ده‌ستگیركردنی بۆ 26 كه‌س ده‌ركرد كه‌ سه‌ر به‌ده‌زگای سه‌ربازی توركیان و 25یان ئه‌فسه‌رن.

به‌گوێره‌ی زانیارییه‌كان ئه‌و ئه‌فسه‌رانه‌ به‌نهێنی په‌یوه‌ندییان له‌گه‌ڵ فه‌تحوڵڵا گوله‌ندا هه‌یه‌، كه‌ حكوومه‌تی توركیا گوله‌ن به‌داڕێژه‌ری هه‌وڵی كوده‌تایه‌كه‌ی 15ی ته‌مووز داده‌نێت و به‌ تیرۆریست ناوی ده‌بات.

ئاسایشی توركیا هه‌ر ئه‌مڕۆ ئۆپه‌راسیۆنێكی بۆ ده‌ستگیركردنی ئه‌و 26 كه‌سه‌ ئه‌نجام دا، به‌ڵام 20 كه‌سیان ده‌ستگیر كران و به‌دوای 6 كه‌سه‌كه‌ی تریشدا ده‌گه‌ڕێت.











باسنيوز