كه‌مال كلیچدارئۆغلو سه‌رۆكی جه‌هه‌په‌ به‌هۆی ئه‌وه‌ی چه‌ندین داوای یاسایی له‌ ره‌جه‌ب ته‌ییب ئه‌ردۆغان له‌ دادگا دۆڕاند، ناچار بوو له‌ رووی مادییه‌وه‌ قه‌ره‌بووی ئه‌ردۆغان بكاته‌وه‌، بەم هۆیەوە خانوه‌كه‌ی فرۆشت.

به‌هۆی ئه‌و تۆمه‌تانه‌ی رووبه‌رووی ئه‌ردۆغانی كردبووەوه‌، تاوه‌كو ئێستە ئه‌ردۆغان 29 جار داوای یاسایی له‌سه‌ر كلیچدارئۆغلو تۆمار كردووه‌، له‌و رێژه‌یه‌شدا 12 جار ئه‌ردۆغان بردوویه‌تیه‌وه‌ و كلیچدارئۆغلو ناچار كراوه‌ له‌ رووی مادییه‌وه‌ قه‌ره‌بووی ئه‌ردۆغان بكاته‌وه‌، كه‌ كۆی قەرەبووەكان دەگاتە 870 هه‌زار لیره‌ی توركی.

رۆژنامه‌ی (میللییه‌ت)ی توركی بڵاوی كرده‌وه‌، كلیچدارئۆغلو خانوه‌كه‌ی خۆی له‌ بورهانیه‌ به‌ 500 هه‌زار لیره‌ فرۆشتووه‌ و به‌شێكی ئه‌و پاره‌یه‌شی وه‌كو قه‌ره‌بوو داوه‌ته‌ ئه‌ردۆغان. هه‌روه‌ها هه‌ر به‌پاره‌ی ئه‌و خانوه‌ ژنی بۆ كوڕه‌كه‌ی به‌ناوی كه‌ره‌م هێناوه‌.









باسنيوز